लस एन्जलस, क्यालिफोर्निया, २८ अक्टोबर ।
स्थापनाकालदेखी निरन्तर रक्तदान लगायत बिभिन्न सामाजिक कार्यहरुलाई अनवरत निरन्तरता दिंदैं आईरहेको नेवा: अर्गनाइजेशन, साउदर्न क्यालिफोर्निया च्याप्टरले हरेक बर्ष आयोजना गर्दै आइरहेको म्हः पूजा ३१ अक्टोबरमा आर्टेसिया सहरमा आयोजना गर्न गईरहेको छ । यस वर्ष नेपाल संवत् ११३७ र म्हः(आत्म) पूजाको आयोजना हुन गैरहेको कार्यक्रमको भब्य तयारी भईरहेको संस्थाका महासचिव बिमल श्रेष्ठले बताउनु भयो ।

Click Logo for program Informations.
Click Logo for program Informations.

नेपाल सम्वत्का प्रवर्तक शङ्खधर साख्वाः हुन् । शङ्खधरले ईस्वी सम्वत् ८८० मा यो सम्वत् चलाएको इतिहासकार स्व. भुवनलाल प्रधानले आफ्नो पुस्तकमा उल्लेख गरेका छन् । नेपाल सरकारले २०५८ साल मङ्सिर २ गते शङ्खधरलाई राष्ट्रिय विभूति घोषणा गरिसकेको छ ।
म्हः पूजा अर्थात् स्वयम् पूजा गर्ने प्रथा नेवारी समुदायको ठुलो पर्व हो । नेवारी भाषामा म्हःको अर्थ शरीर भएकोले म्हः पूजालाई शरीर पूजा पनि भनिन्छ । यस दिन परिवारको प्रत्येक सदस्यलाई घरमूलीले पूजा गर्ने चलन छ । संसारमा सबैभन्दा ठुलो आत्मा हो । आत्मा सन्तुष्ट भए देवता खुसी हुने र सबै काम फलिफाप हुनाका साथै जीवन पनि सार्थक हुने विश्वासका साथ यो पूजा गरिँदै आएको धार्मिक मान्यता पाइन्छ ।
हिमालयन तारा कुजिन, आर्टेसियामा सम्पन्न हुन गैरहेको यस बर्षको कार्यक्रममा दश वर्ष भन्दा कम उमेरका बाल-बालिकाहरुलाई निःशुल्क प्रवेशको ब्यबस्था गरिएको र बयस्कहरुको लागी २५।०० डलर सहभागी शुल्क राखिएको महासचिव श्रेष्ठले जनाउनुभएको छ ।
कार्यक्रम साँझको ६:३० देखि १०:०० बजेसम्म सञ्चालन हुने महासचिव श्रेष्ठले बताउनु भयो ।

SHARE