पोखरा, कात्तिक २० ।
प्रथम बिजयपुर खेलकुद महोत्सव २०७३ अन्तर्गत खुल्ला पुरुष सेभेन ए साइड फुटवल प्रतियोगिताको उपाधी आयोजक योङ स्टार क्लवले हात पारेको छ । प्रतिद्धन्द्धी टाउन एफसीलाई ट्राई ब्रेकरमा २–१ गोल अन्तरले हराउँदै आयोजकले उपाधी उचालेको हो । उपाधी बिजेता योङ स्टारले ६५ हजार ४ सय ३२ रुपैयाँ नगद पुरस्कार प्राप्त ग¥यो भने उप बिजेता टाउन एफसीले ३४ हजार रुपैयाँमा चित्त बुझायो । प्रतियोगितामा बेष्ट डिफेण्डर आयोजक टीमका रवी शेरचन, बेष्ट गोल किपर आयोजककै आकाश रानाभाट सर्वाधिक गोलकर्ता योङस्टार निलोका इन्द्र आले मगर, उत्कृष्ट गोल आयोजक टीमकै शुसिल केसी, उत्कृष्ट मिड फिल्डर टाउन एफसीका सिन्का तामाङ र उत्कृष्ट खेलाडी टाउन एफसीका अजय श्रेष्ठ घोषित भए ।
कात्तिक ११ गतेदेखि सुरु महोत्सव अन्तर्गतको लङजम्प तर्फ छविन पुन पहिलो भए । यस्तै दौड प्रतियोगितामा मिलन गुरुङ पहिलो भएको आयोजकले जनाएको छ । प्रतियोगिताका बिजेतालाई प्रमुख आमन्त्रित ब्यक्तित्व नेपाली फुटवल टिम कतारका अध्यक्ष संजीव रानाभाट, भगवती हाईड्रोपावरका निर्देशक बसन्त मोहन भट्टराई, सभासद यज्ञ बहादुर थापा र प्रतियोगिता संयोजक सुवर्ण बरालले संयुक्त रुपमा वितरण गरे । पुरस्कार वितरणपछि बोल्दै नेपाली फुटवल टिम कतारका अध्यक्ष रानाभाटले फुटवलको विकासका लागि सरकारको मात्रै भर पर्नु नहुने बताए । उनले स्थानीय स्तरमा खुलेका क्लव तथा अन्य संघ संस्थाले पनि यसको विकास गर्न सक्ने भन्दै आफुले सक्दो सहयोग गर्ने प्रतिबद्धता जनाए । भगवती हाईड्रोपावरका निर्देशक बसन्तमोहन भट्टराईले क्लवको गतिविधिीमा निरन्तर सहयोग गर्ने बताए । सभासद यज्ञ बहादुर थापाले पनि सरकारी पक्षलाई आफुले घचघच्याउने बताए ।

SHARE