पोखरा, ४ जेठ ।
गोरखाको शहिद लखन गाउँपालिकामा माओबादी केन्द्रका उम्मेदवार बिजयी भएका छन् । गाउँपालिका अध्यक्षमा माओबादीका रमेश थापा र उपाध्यक्षमा इन्दिरा तिवारी निर्वाचित भईन् । थापाले निकटतम प्रतिद्धन्दी काँग्रेसका उम्मेदवार कृष्ण आलेलाई ४ सय ५ मतले पराजीत गरे । थापाको ३ हजार ८ सय ८ मत आउँदा आलेले ३ हजार ४ सय ३ मत ल्याए । अध्यक्षका उम्मेदवार एमाले उम्मेदवार मनोज जोशीले २ हजार ५ सय ५६ र नयाँ शक्ति पार्टीका गोपालबाबु श्रेष्ठले १ हजार ८ सय ११ मत पाए ।
उपाध्यक्षमा तिवारीले निकटतम प्रतिद्धन्द्धी काँग्रेस उम्मेदवार सर्मिला श्रेष्ठलाई २ सय २३ मतले पराजीत गरिन् । तिवारीको ३ हजार ७ सय ९८ मत आउँदा श्रेष्ठले ३ हजार ५ सय ७५ मत पाईन् । उपाध्यक्षका उम्मेदवार एमालेकी लुना थापाले २ हजार ३ सय ३२ र नयाँ शक्तिकी कल्पना थापाले १ हजार ८ सय १२ मत पाईन् ।
१, २ र ३ नम्बर वडामा एमाले बिजयी भयो भने ४ र ५ नम्बरमा माओबादी तथा ६, ७, ८ र ९ नम्बर वडामा नेपाली काँग्रेसका उम्मेदवार बिजयी भएका छन् । १ मा जीत बहादुर केसी (एमाले), २ मा अचल बाबु थापा (एमाले), ३ मा गणेश थापा (एमाले), ४ नम्बर वडामा कृष्ण बहादुर पर्जा (माओबादी केन्द्र), ५ मा यम बहादुर राना (माओबादी केन्द्र), ६ मा दिलिप नारायण थापा (नेपाली काँग्रेस), ७ मा शरण श्रेष्ठ (नेपाली काँग्रेस), ८ मा काशिनाथ अंगाई (नेपाली काँग्रेस) र ९ नम्बर वडामा राम प्रसाद लामिछाने (नेपाली काँग्रेस) बिजयी भएका निर्वाचन अधिकृत चन्द्रकान्त पौडेलले जानकारी दिए ।