लस एन्जलस। नेवाः अर्गनाइजेसन अफ अमेरिका, दक्षिणी क्यालिफोर्निया च्याप्टरले नेपाल संवत् ११४७ तथा म्हःपूजा २०२६ को अवसरमा सांस्कृतिक कार्यक्रम आयोजना गर्ने भएको छ। आयोजकले सार्वजनिक गरेको सूचनाअनुसार कार्यक्रम आगामी नोभेम्बर १०, २०२६, मंगलबार लेकवुडस्थित शाही महल रेस्टुरेन्टमा हुनेछ।

‘हाम्रो संस्कृति, हाम्रो गौरव, हाम्रो पहिचान’ भन्ने भावनासहित आयोजना हुने कार्यक्रममा म्हःपूजाका साथै ‘नेवा झ्वः भ्वय्’ अर्थात् नेवारी सामूहिक भोज समावेश गरिएको छ। कार्यक्रमले दक्षिणी क्यालिफोर्नियामा रहेका समुदायका सदस्यलाई आफ्नो सांस्कृतिक परम्परासँग जोडिँदै सामूहिक रूपमा पर्व मनाउने अवसर प्रदान गर्नेछ।

कार्यक्रमस्थलमा प्रवेश साँझ ५ बजे खुल्नेछ। सहभागीहरूको पूजाका लागि तीन चरणको समय निर्धारण गरिएको छ। पहिलो चरणको पूजा साँझ ५:३० बजे, दोस्रो चरणको ७:१५ बजे र तेस्रो चरणको ८:३० बजे हुने आयोजकको सूचनामा उल्लेख छ।

प्रवेश शुल्क वयस्कका लागि ३० अमेरिकी डलर र १० वर्षमुनिका बालबालिकाका लागि २० अमेरिकी डलर तोकिएको छ। बालबालिकाका लागि छुट्टै खानाको व्यवस्था हुनेसमेत जानकारी दिइएको छ।

सहभागिताको लागि यो लिन्क्मा क्लिक गर्नुहोस : सहभागिताका लागि यहाँ क्लिक गरी फारम भर्नुहोस्

कार्यक्रम Shahi Mahal Restaurant, 12225 Centralia St, Lakewood, CA 90715 मा आयोजना हुनेछ। सहभागी हुन इच्छुक व्यक्तिहरूलाई नोभेम्बर ७, २०२६ भित्र सहभागिता पुष्टि (RSVP) गर्न सूचनामार्फत अनुरोध गरिएको छ।

थप जानकारी तथा सहभागिता पुष्टिका लागि आयोजकले कन्हैया (562) 441-6019, कोशिस (714) 271-4201, विवेक (562) 889-9935 र दुर्गा (562) 250-7894 लाई सम्पर्क गर्न सकिने जनाएको छ।

नेपाल संवत्को नयाँ वर्ष, म्हःपूजा र परम्परागत भोजलाई एउटै कार्यक्रममा समेटिएको यस आयोजनाले प्रवासमा नेपाली तथा नेवाः सांस्कृतिक पहिचानको निरन्तरता र सामुदायिक भेटघाटका लागि अवसर जुटाउनेछ।