लस एन्जलस (क्यालिफोर्निया), अप्रिल १५ — Shree Pashupatinath & Buddha Mandir को आयोजनामा “प्रथम अन्तर्राष्ट्रिय आरोग्य दिवस तथा नव वर्ष २०८३” को अवसर पारेर आयोजित International Wellness Day Celebration & Meet & Greet कार्यक्रम हिजो साँझ सफलतापूर्वक सम्पन्न भएको छ।श्रीपशुपतिनाथ फाउन्डेशन, बोर्ड अफ ट्रस्टीका अध्यक्ष एकराज ‘नारायण’ पान्डेको सभापतित्वमा सम्पन्न कार्यक्रममा अवैतनिक महावाणिज्यदुत ऋषी ढकाल प्रमुख अतिथिको रुपमा उपस्थित थिए । कार्यक्रममा फाउन्डेशनका वरिष्ठ उपाध्यक्ष डिल्ली ‘सिद्धार्थ’ सिलवाल, मन्दिरका गुरु चुडामणी उपाध्याय, समाजसेवी दिनेश साह, मन्दिरका सल्लाहकार डाक्टर बद्री भन्डारी, मन्दिरका अध्यक्ष बिमल श्रेष्ठ र महावाणिज्यदुत ऋषी ढकालले आ-आफ्न मन्तब्य ब्यक्त गरेका थिए । डा. भन्डारीले मन्दिरको छिमेक नगर आर्टेसियाले नेपाली नयां बर्षको दिनलाई उत्सव दिनको मान्यता दिएको पत्रको जानकारी दिएका थिए ।

Honorary Consulate of Nepal, California को सहकार्यमा Norwalk स्थित मन्दिर परिसरमा आयोजित उक्त कार्यक्रममा नेपाली समुदायका विभिन्न व्यक्तित्वहरूको उल्लेखनीय सहभागिता रहेको थियो। साँझ ६:३० बजेदेखि सुरु भएको कार्यक्रम करिब ८:३० बजेसम्म सञ्चालन भएको थियो।कार्यक्रममा वक्ताहरूले अन्तर्राष्ट्रिय आरोग्य दिवसको महत्वबारे चर्चा गर्दै शारीरिक स्वास्थ्यसँगै मानसिक शान्ति र आत्मिक सन्तुलनलाई पनि उत्तिकै आवश्यक रहेकोमा जोड दिएका थिए। उनीहरूले आधुनिक जीवनशैलीमा बढ्दो तनावका बीच योग, ध्यान र सकारात्मक सोचमार्फत जीवनलाई सन्तुलित बनाउनुपर्ने सन्देश दिएका थिए।साथै, नव वर्ष २०८३ को अवसरमा सहभागीहरूबीच शुभकामना आदान–प्रदान गरिएको थियो। कार्यक्रमले नेपाली समुदायलाई एकै ठाउँमा जोड्ने, सांस्कृतिक पहिचान जोगाउने र स्वास्थ्यप्रति सचेतना बढाउने महत्वपूर्ण अवसर प्रदान गरेको आयोजकले जनाएको छ। कार्यक्रमको अन्त्यमा उपस्थित सम्पूर्णलाई प्रसाद वितरण गरिएको थियो भने सहभागीहरूले यस्तो कार्यक्रमले समुदायमा सकारात्मक ऊर्जा र एकता अभिवृद्धि गर्ने प्रतिक्रिया दिएका थिए।

कार्यक्रमको संचालन फाउन्डेशनका महासचिव तुलसी ज्ञवालीलेलगरेका थिए ।