पोखरा, ६ जेठ ।
पोखरा लेखनाथ महानगरपालिका स्थित वडा नम्बर १४ मा काँग्रेस अगाडी छ । वडाध्यक्षका काँग्रेस उम्मेदवार बोध बहादुर कार्कीले एमाले उम्मेदवार प्रेम बहादुर कार्की क्षेत्रीलाई १ सय १९ मतान्तरले पछि पारेका छन् ।
बोधले ८ सय ७ मत पाउँदा प्रेमले ६ सय ८८ मत पाए । वडा सदस्यमा बिष्णु प्रसाद पोख्रेल, दिवस कुँवर, महिला सदस्य इन्द्र माया बानिया र दलित महिला सदस्यमा एमाले उम्मेदवार सुन कमली कामी अगाडी छिन् ।
१५ नम्बर वडाबाट महानगरको नेतृत्वमा मिश्रित परिणाम छ । मेयरमा काँग्रेस उम्मेदवार एमाले भन्दा पछाडी छन् भने उपमेयरमा एमाले भन्दा काँग्रेस उम्मेदवार अगाडी देखिएको छ । काँग्रेसका रामजी कुवँरले ७ सय ५१ मत ल्याए भने एमालेका मान बहादुर जिसीले ८ सय ९ मत ल्याए । काँग्रेस उम्मेदवार सरस्वती गुरुङले ७ सय १४ मत ल्याउँदा एमालेकी मञ्जुदेवी गुरुङले ७ सय ३ मत पाईन् ।

१४ नम्बरको मतपरिणाम