काठमाडौं – साहित्यकार सर्वज्ञ वाग्लेको पाँचौं कृति “पुनर्वास” उपन्यासको शनिवार प्रज्ञा भवनमा बिमोचन गरिएको छ । काठमाडौंको कमलादीस्थित नेपाल प्रज्ञा प्रतिष्ठानमा शनिबार आयोजित “साहित्यकार सर्वज्ञ वाग्लेको उपन्यास कृति पुनर्वासको विमोचन कार्यक्रममा” नेपाली काँग्रेस वरिष्ठ नेता पौडेलले उपन्यासको विमोचन गरेका हुन् ।
विमोचन कार्यक्रममा बोल्दै पौडेलले मानिसभित्रको संबेदनालाई जागृत गराउने काम साहित्यले गर्ने हुँदा यो राजनिती भन्दा फरक र जिवन्त विषय भएको बताए । राजनीति विषयभन्दा साहित्यका कुरामा बढी समय खर्चिएका पौडेलले साहित्यकारहरुका परिश्रम र मिहिनेत सबैका लागि प्रेरणादायी भएको समेत बताए ।
कार्यक्रममा राष्ट्रिय सभाका सांसद बद्री पाण्डेले कृति माथी समीक्षा गर्दै पुनर्वास उपन्यासले नेपाल र भारतका सीमाक्षेत्रमा रहेका आम नागरिकले भोगेका अनुभवहरुलाई जस्ताको तस्तै उतारेको बताए । उनले अहिले आइरहेको दुई देशवीचका सीमा समस्या, भारतिय सुरक्षाकर्मीले नेपाली माथी गरेका थिचोमिचो लगायतका विषयमा पनि कृतिले चित्रण गरेकोले यो एउटा संग्रहणिय पुस्तक भएको बताए ।![Image may contain: 5 people, indoor](https://scontent-lax3-2.xx.fbcdn.net/v/t1.0-9/p720x720/84086805_10219452210728432_2751198695100776448_o.jpg?_nc_cat=106&_nc_ohc=g4v8GKaJT3cAX8aa3kU&_nc_ht=scontent-lax3-2.xx&_nc_tp=6&oh=d34fb06816d45ecdd57d8d83cb2f43a7&oe=5ED2A4F0)
वरिष्ठ साहित्यकार कृष्ण धराबासीले कृतिमाथि टिप्पणी गर्दै यसमा भएका कमीकमजोरी औंल्याए । यद्यपी उपन्यासमा प्रयोग गरिएका प्रकृतिसँग, मानव जीवनसँग र अन्य उपयोगी बिम्बहरुले पुनर्वासलाई निकै रोचक बनाएकाले यो उत्कृष्ठ कृति बनाउन साहित्यकार सफल भएका धराबासीले बताए ।![Image may contain: 4 people, people standing and suit](https://scontent-lax3-1.xx.fbcdn.net/v/t1.0-9/p720x720/84330190_10219451890920437_63816294826246144_o.jpg?_nc_cat=110&_nc_ohc=jnGiqXElpVwAX9_gD6H&_nc_ht=scontent-lax3-1.xx&_nc_tp=6&oh=6d9f35432de4d7476f50f2bcac1c6e85&oe=5ECDF5BE)
कृतिकार वाग्लेले आफूले उपन्यास लेख्ने क्रममा कञ्चनपुरको सीमा समस्याका बारेमा स्थलगत भ्रमण गरेर त्यहाँको समस्या बुझेपछि कृति तयार पारेको बताए । उनले त्यहाँको भौगोलिक परिवेश र कृतिभित्र रहेका विषयका बारेमा संक्षिप्त उल्लेख गर्दै आगामी दिनमा अझ सक्रिय भएर साहित्यलेखन गर्ने प्रतिबद्धता जनाए । उनले वाचन गरेको “बा” शीर्षकको कविताले उपस्थित सबैलाई भावुक बनाएको थियो ।![](https://prabhab.com/wp-content/uploads/2020/02/Screen-Shot-2020-02-01-at-6.24.32-PM-1024x479.png)
कार्यक्रम पुष्पराज पौडेलको सभापतित्वमा सम्पन्न भएको थियो । शिखा बुक्सले उपन्यास पुनर्वासलाई बजारमा ल्याएको छ । हाल अमेरिका बस्दै आएका वाग्ले एन आर एन अमेरिकाका क्षेत्रिय उपाध्यक्ष समेत हुन् । वाग्लेले निरन्तर रुपमा साहित्यमा कलम चलाउँदै साहित्यकारको रुपमा आफुलाई स्थापित गरेका छन् ।