संसद पुर्नस्थापना हुदैन : प्रधानमन्त्री ओली

खुल्लामन्च

प्रकाशित: २०७७ माघ ६ गते ११:२२

काठमाडौ- सर्वोच्च अदालतमा प्रतिनिधिसभा बिघटन बिरुद्द परेका विभिन्न रिटमा बहस जारी रहेका बेला प्रधानमन्त्री केपी शर्मा ओलीले संसद पुर्नस्थापना नहुने भनि अभिव्यक्ति दिई रहेका छन । नेपाल कम्युनिष्ट पार्टी (नेकपा) का अध्यक्ष ओलीले “प्रतिनिधिसभा पुनःस्थापना हुन्छ वा निर्वाचन हुँदैन भन्ने भ्रममा नपर्न म आग्रह गर्दछु। हामीले लिएको सही विचार र मुलुकको समृद्धिका लागि म सबैलाई एकताबद्ध भई पार्टीको शुद्धीकरण अभियानमा गतिशील हुन अनुरोध गर्दछु”भने।

नेकपा नुवाकोटका काठमाडौँमा उपलब्ध अगुवा कार्यकर्ता भेलालाई आज सम्बोधन गर्दै प्रधानमन्त्री ओलीले प्रतिनिधिसभा विघटन भई निर्वाचनको मिति घोषणा भइसकेकाले जनस्तरमा पुगेर सक्रिय हुन आग्रह गरे। पार्टीका सबै जिल्ला, जनसङ्गठन र तहका कमिटीहरु तत्काल पुनः गठन गर्न निर्देशन दिएका छन्।

अध्यक्ष ओलीले पार्टीले ‘जनताको बहुदलीय जनवाद’को मूलभूत विचारको मार्गदर्शनका आधारमा हाल ‘जनताको जनवाद’को विचार लिएको र यसलाई क्रमशः परिमार्जन गर्न सकिने जनाउँदै पार्टी विभाजन गर्न खोज्नेहरुसँग कुनै विचार नभएको जिकिर गरे।