डालास – एनआरएनए अमेरिकाको आसन्न निर्वाचनको मिती संघारमा रहेको बखत अध्यक्ष पदका शक्तिशाली उमेद्वार कृष्ण लामिछाने र उनका सारथीहरुको दौडाहा रथ यो सप्ताहन्तमा शिकागो, आईवा र केन्टकीतिर हांकिएको छ । कोलोराडोबाट नेजस नेता बिष्णु सुवेदी, फिलिप केसी, खड्ग उप्रेती जस्ता सारथीहरुको साथ पाएर बलिया बनेका लामिछाने र उनको समुह खुशीयालीमा आफ्नो रथ यी तीन निर्णयक भोट रहेको क्षेत्रतिर हुंईक्याउंदैछन ।

भोली शुक्रवार लामिछाने र उनको समुह शिकागो शहरमा आफ्नो प्रचार कार्यक्रमको लागि पुगिसकेका छन । एनआरएनए अमेरिकाको अध्यक्ष पद हांक्न सक्ने क्षमता राख्ने तर सदस्य पदमा उमेद्वारी दिएका बाला घिमिरेहरुको क्षेत्र शिकागोमा लामिछाने र उनको समुहले आफ्ना कार्यक्रम गर्नेछन । कृष्ण लामिछाने समुहलाई सघाएका एनआरएनए बोर्ड सदस्य पदका उमेद्वार घिमिरेको क्षेत्रमा लामिछाने समुहको अर्को सफलतपूर्ण कार्यक्रमको आयोजना हुंदैछ ।

पर्सी शनिवार लामिछाने समुह आईवा राज्य पुग्नेछ । स्थानिय बेटनड्रफ नगरमा लामिछानेले ‘मर्दा र पर्दाको एनआरएनए अमेरिका’ बनाउने आफ्नो एजेन्डा प्रस्तुत गर्ने कार्यक्रम छ । कृष्ण लामिछाने जिताऔं अभियानका संयोजक एवम नेजस नेता प्रमोद सिटौलाहरु उक्त कार्यक्रमहरुमा लामिछाने समुहको बलका रुपमा उपस्थित हुनेछन ।

आईतवार केन्टकी राज्यको लेक्जिन्टन नगरमा लामिछाने समुहले आफ्नो सामुदायिक भेटघाट कार्यक्रम गर्नेछन । एनआरएनए अमेरिकाका चर्चित नेता पुरुषोत्तम बोहोरा, आईसिसी सदस्य महेन्द्र बस्नेत लगायतकाहरुको बलमा लामिछाने र उनको समुहका सदस्यहरुले साझा एनआरएनए अमेरिका निर्माण अभियानका बिचारहरु प्रस्तुत गर्नेछन ।

जन्मभुमी नेपालमा हाल महामारीको रुपमा फैलिएको कोभिड -१९ को बारेमा लामिछानेले अघि सारेका सहयोग अभियानलाई सार्थकता दिन उनको समुहले सहयोगका लागि अभियान पनि साथमा लैजाने बताईएको छ ।

लामिछानेको साथमा एनआरएनए अमेरिकाका वर्तमान उपाध्यक्ष तथा वरिष्ठ उपाध्यक्ष पदका शक्तिशाली उमेद्वार कृष्णजिवी पन्थ, महासचिव पदका उमेद्वार बिनोद भट्ट, उपाध्यक्ष पदका प्रत्यासीहरु बिकास उप्रेती, चन्द्र लामा, पूर्णचन्द्र बानियां र प्रबिण केसी, सचिवका प्रत्यासी द्रोण गौतम, महिला सचिवकी उमेद्वार सुनिला कंडेल सापकोटा र सह-कोषाध्यक्ष पदका उमेद्वार बिकल ढकाल, युवा संयोजक पदका उम्मेद्वार बिजय ‘ओम; गुरुङ्ग लगायत सदस्य पदका प्रत्यासीहरु ती कार्यक्रमहरुमा सरिक हुनेछन ।