अमेरिका – एनआरएनए अमेरिकाको डेलिगेट्स विवादको रफ्तारसंगै डा. राजन पन्तको समितिले ९१ जना डेलिगेट्स निर्विरोध निर्वाचित भएको सुचना सार्वजानिक गरेको छ । संयोजक डा. राजन पन्त, सदस्यद्वय शंकर खड्का र बिकास उप्रेतीको नामा उल्लेख गरिएको सुचनामा हस्ताक्षर भने कसैको पनि उल्लेख छैन । १५० जना डेलिगेट्सले उम्मेद्वारी दर्ता गराएको भनिएको आज हुने भनिएको निर्वाचन ९१ जना निर्विरोध भएको भन्दै सकिएको छ ।

एनआरएनए अमेरिका निर्वाचन समिती संयोजक विश्व बरालको समितीले निर्वाचित गरेको डेलिगेट्सलाई वा डा. राजन पन्तले निर्विरोध निर्वाचन गरिएको भनिएको डेलिगेट्सलाई वा दुवैलाई एनआरएनए आईसिसीले मान्यता देला वा तुहिएला, त्यो भने हेर्न बांकी छ ।

डा. पन्तको समितिका एक सदस्य शंकर खड्काद्दारा प्रेषित सुचना :

प्रेस बिज्ञप्ती
यहि अक्टुबर मा हुन गई रहेको NRNA ICC निर्वाचनका लागी अमेरीकाबाट भागलिने डेलिगेटस् सम्बन्धमा NRNA NCC अमेरीकाले पठाउनु पर्ने डेलिगेट जम्मा १८९ मा ६५% प्रतिशत बाट ९८ जना पहिलानै पठाईसेको र बाकी २५% प्रत्येक्ष निर्वाचनबाट ७२ सिटमा १५० जनाको उमेद्वावारी परेको तर समय सिमाभित्र अन्य उमेद्वावारले आफ्नो नाम फिर्ता लिएकोले चाहिने ७२ सिटमा निर्विरोध निर्वाचित हुनुभएको छ । १० % मा कार्यसमितिले एन आर एनमा योगदान पुर्याएका बिज्ञ, युवा, महिलालाई समेटर पठाउनु पर्ने १९ जनामा अन्तिम समय सम्म पनि कार्यसमितिले बैठक नबोलाई मनोमानि ढंगले गरेको प्रति कार्यसमितिबाटै बिरोध र उजुरी आएकोले आई सि सि र एन सि सीको बिधान बमोजिम १९ सिट समेत जम्मा ९१ जना यस आई सी सी प्रतिनिधि छनौट समितीले प्रक्रिया अनुसार नाम सार्वजनिक गरेको छौ । निर्विरोध चुनिनु भएका प्रतिनिधहरूलाई हार्दिक बधाई तथा शुभकामना साथै उमेद्ववारी फिर्ता लिई सहयोग गर्नुहुनेहरूमा धन्यवाद ।

आई सि सी प्रतिनिधि छनौट समिति ।