राष्ट्रपति भण्डारी र नेता नेपालबीच एक घण्टा ४५ मिनेट छलफल भएको राष्ट्रपति कार्यालय स्रोतले जानकारी दिएको छ। नेता नेपालको नेतृत्वमा नेकपा (एकीकृत समाजवादी) पार्टी गठनका लागि निर्वाचन आयोगमा निवेदन दिइएको छ। निर्वाचन आयोगले उनीहरुलाई सनाखतको लागि बुधबार बोलाएको छ। नेता नेपाल अगल्लै पार्टी गठनको लागि अगाडि बढेपछि एमालेको पूर्वउपाध्यक्ष समेत रहेकी राष्ट्रपति भण्डारीले नेपालसँग भेट गरेकी हुन्। भेटमा उनले पार्टी विभाजनबारे चासो राखेको बुझिएको छ। उनले एमाले विभाजनबाट कसैलाई फाइदा नहुने बताएकी थिइन्।