काठमाडौं –  सत्तारूढ गठबन्धनले बनाएको राजनीतिक समन्वय समितिको  बैठकले सर्वोच्चमा देखिएको समस्या र गतिरोधबारे ध्यानाकर्षण भएको जनाएको छ। प्रधानमन्त्री निवास बालुवाटारमा बसेको बैठकले  ‘राज्यको महत्वपूर्ण अंगको रूपमा रहेको न्यायपालिकाको स्वतन्त्रता, गरिमा, विश्वसनीयता र स्वच्छतालाई कायम राख्ने गरी यथाशीघ्र निकास हुनुपर्दछ,’ भन्ने  निष्कर्ष निकालेको  राजनीतिक समन्वय समिति बैठकपछि जारी विज्ञप्तिमा भनिएको छ।