काठमाडौँ – नेकपा माओवादी केन्द्रले आइतवारदेखि काठमाडौंमा सुरु हुने भनिएको राष्ट्रिय सम्मेलनलाई सिधै महाधिवेशनमा लैजाने निर्णय गरेको छ । पेरिस डाँडामा शनिबार बसेको माओवादी स्थायी कमिटी बैठकले राष्ट्रिय सम्मेलन नगरी आठौँ  महाधिवेशन गर्ने निर्णय गरेको हो।

प्रवक्ता कृष्णबहादुर महराले आजको स्थायी कमिटीको बैठकले पुस ११–१३ गते आठौं राष्ट्रिय महाधिवेशन गर्ने र यसबारे निर्णय  केन्द्रीय कमिटीले अनुमोदन गर्ने बताए । यो महाधिवेशनलाई माओवादीले आठौँ महाधिवेशनको रुपमा आयोजना गर्ने भएको हो ।