२०८० फागुन ९ गते | 21st of February 2024

वैशाख ३० मा हुने निर्वाच्नमा नेपाली कांग्रेससँग हार्न एमाले तयार भए हुन्छ : कांग्रेस महामन्त्री थापा

खुल्लामन्च
 प्रकाशित: २०७८ फागुन २३ गते १३:१८

काठमाडौं – नेपाली कांग्रेसका महामन्त्री गगन थापाले वैशाख ३० मा हुने निर्वाच्नमा नेपाली कांग्रेससँग हार्न एमाले तयार भए हुने बताएका छन्। वैशाख ३० गते घोषणा गरिएको निर्वाचनको मिति एक दिन पनि तल माथि नहुने दाबी गर्दै उनले कांग्रेससँग हार्नलाई एमाले तयार रहे हुने बताएका हुन् । नेपाली कांग्रेस सिन्धुपाल्चोक काठमाडौं सम्पर्क समितिद्वारा आयोजित, नेपाली कांग्रेस १४औं जिल्ला अधिवेशन, सुदृढ संगठन गतिशील नेतृत्व बिषयक अन्तरक्रिया कार्यक्रमलाई सम्बोधन गर्दै महामन्त्री थापाले एमालेले निर्वाचन हुन्न कि भन्ने आशंका गरेको बताए ।

‘निर्वाचन तोकिएको मितिमा हुन्छ, अब एमालेका दिन गए,’ उनले दाबी गरे, ‘एमालेले अब हारको सामाना गनुपर्छ, कांग्रेससँग हार्न तयार भएर बसे हुन्छ ।’
‘म एमालेलाई भन्न चाहान्छु निर्वाचन तोकिएको समयमै हुन्छ ।’ उनले भने । उनले अब घर जाँउ, कांग्रेस जिताउँ अभियान सुरु हुने बताए । ‘यसका लागि भोलिदेखि नै जिल्लामा प्रतिनिधि खटाउने काम सुरु हुन्छ,’ उनले भने । ‘कम्युनिस्ट पार्टीले २०७४ मा लिएको देशकाे जिम्मा असफल भयाे । जसका कारण संसद अवरुद्घ अान्दोलनलगायत भईरहेकाे छ ।’ उनले भने, ‘अब काँग्रेसले जिल्ला जाँदा अघिल्लो पटक कम्युनिस्टलाई भाेट हाल्नुभाे त्याे काम लागेन त्यसैले यसपटक काँग्रेसलाई भाेट दिनुस । कम्युनिष्टलाई दण्ड दिनुस ।’