भर्जिनिया – भोली अगस्ट २३ तारिख शनिवार भर्जिनियामा आयोजना गरिने ‘अब नाच्छ अमेरिका’ कार्यक्रम स्थगित भएको छ । विगत ३ हतादेखि हराईरहेकी नेपाली छोरी ममता काफ्लेको बिषयमा प्रहरीले अनुसन्धान गरिरहेको, काफ्लेका श्रीमानलाई स्थानिय प्रहरी प्रशासनले पक्राउ गरिसकेको र
भर्जिनिया नेपाली समाजमा आईपरेको यो विपतमा आफुहरु अत्यन्तै गम्भिर रहेको आयोजकले जनाएको छ ।

‘हिन्दू महिलाहरुको महान पर्व हरितालिका तीजको अवसर पारेर आयोजना गरिएको कार्यक्रममा हाम्रै समुदायलाई दु:ख पर्दा हामी नाच्न र रमाउन सक्दैनौं’, कार्यक्रम आयोजक सदस्य निदेश अधिकारीद्दारा प्राप्त सुचनामा जनाईएको छ । ‘आपतकालिन बैठकले यो निर्णय गरेका छ’, अधिकारीले भने । ‘पूर्ण तयारीको अन्तिम अवस्थामा पुगेको कार्यक्रमलाई आगामी सेप्टेम्बर १४ तारिख शनिवार गर्ने निर्णय सहित तत्कालकालागी स्पोन्सरहरु, भेन्डरहरु तथा भोलीको कार्यक्रमको लागि भनेर टिकट काटिसकेका ४०० शुभेच्छुक दर्शकहरुप्रती क्षमापार्थी छौं’, अधिकारीले बताए ।

यसबिच ‘अब नाच्छ अमेरिका’ का प्रमुख बिनोद अधिकारीले भर्जिनया नेपाली समाजमा आईपरेको विपतले रमाउन नसकेकोले ‘यो रमाउने बेला होईन’ भन्दै भोलीको कार्यक्रम स्थगित गरिएको जनाए ।