लस एन्जलस – लस एन्जलसको चर्चित रेस्टुरेन्ट न्यान्किङको संयोजनमा प्रख्यात भारतीय कलाकारहरुसंग दिपावलीको पावन अवसरमा सांगितिक कार्यक्रम आयोजना हुंदैछ । RAMBABU & TINSEL TOWN EVENTS को आयोजनामा आर्टिसिया नगरमा ‘दिवाली धमाका’ आओजना गरिएको छ । कार्यक्रमका एक संयोजन सदस्य दिनेश साहकानुसार अक्टोबर २६ तारिख शनिवार ६:०० बजे सांझ सांगितिक कार्यक्रमको आयोजना हुनेछ ।

डिजे मोनिका स्टार्लिङको सांगितिक संयोजनमा गायक राम तसिल्दार र गायिका भावना चावलाले आफ्नो धमकेदार प्रस्तुती दिनेछन । सेक्सोफोनिस्ट माईकल सेन्डर लस एन्जलसमा प्रख्यात नेपाली संगितज्ञ मनोहर गुरुङ्गको पनि कार्यक्रममा प्रस्तुती रहनेछ । मधेसी समाज, लस एन्जलसको सहयोगमा भर्खरै नेपालमा गएको भीषण बाढी पहिरोबाट प्रभावित परिवारको सहयोगार्थ आयोजना गरिएको कार्यक्रममा समुपस्थितिका लागि साहले अनुरोध गरेका छन ।