लस एन्जलस, मार्च २७ –  हिन्दू धर्मावलम्बीहरूको महान पर्व महाशिवरात्रिको अवसरमा हिजो मार्च २७ मा लस एन्जलसस्थित श्रीपशुपतिनाथ तथा बुद्ध मन्दिरमा भव्य धार्मिक कार्यक्रम सम्पन्न भयो। भक्तजनहरूको ठूलो उपस्थिति रहेको उक्त कार्यक्रममा विशेष पूजा, प्रवचन, भजन कीर्तन प्रस्तुत गरिएको थियो ।

महाशिवरात्रिको अवसरमा बिहानैदेखि भक्तजनहरू मन्दिर परिसरमा भेला भएका थिए। शिवलिंग अभिषेक, रुद्राभिषेक तथा विशेष आरतीको माध्यमबाट शिवभक्तहरूले भगवान् शिवप्रति श्रद्धा व्यक्त गरे। पूजा-अर्चनाका लागि भक्तजनहरूले लामबद्ध भएर आफ्नो पालो कुर्ने दृश्य निकै प्रेरणादायी थियो।

यस अवसरमा भगवान शिवको महिमा, जीवन दर्शन तथा शिवपुराणका कथाहरू प्रवचनमार्फत प्रस्तुत गरे। भजन-कीर्तन कार्यक्रममा स्थानीय कलाकारहरूको प्रस्तुति रहेको थियो, जसले सम्पूर्ण वातावरणलाई भक्तिमय बनाएको थियो । भक्तजनहरूको सुविधाका लागि प्रसाद वितरण तथा खानाको व्यवस्था गरिएको थियो।

दिनभर करिव १५०० भक्तालुहरुको उपस्थिती रहेको कार्यक्रममा लस एन्जलसस्थित श्रीपशुपतिनाथ मन्दिर मात्र नभई बुद्ध मन्दिरमा पनि विशेष पूजापाठको आयोजना गरियो। धार्मिक सहिष्णुता र एकताको सन्देश प्रवाह गर्दै बुद्ध भगवानसंग शान्तीको याचना गरिएको थियो । महाशिवरात्रिको यो भव्य समारोहले धार्मिक एकता, भक्ति तथा आत्मशुद्धिको महत्त्व उजागर गरेको अनुभुती हुन्थ्यो । भगवान् शिवको आराधनामा समर्पित भक्तजनहरूले आध्यात्मिक शान्ति तथा आनन्दको अनुभव गरे ।

कार्यक्रम ब्यवस्थापनको लागि श्रद्धालुहरुले आर्थिक सहयोग गरेका थिए । सहयोगीहरुको विवरण यसप्रकार रहेको छ :

फोटो : मन्दिर फेसबुक

ॐ नम: शिवाय !