काठमाडौं – आगामी जेठ २० गतेदेखि ३ दिनसम्म काठमाडौंमा पाँचौ संस्करकरणको हिमालयन ट्राभल मार्ट हुने भएको छ । नेपाल पर्यटनबोर्डसँगको सहकार्यमा प्यासिफिक एसिया ट्राभल एसोसिएसन (पाटा नेपाल)ले योजना गर्ने उक्त कार्यक्रमा विभिन्न १२० देशका प्रतिनिधिमूलक अतिथि बोलाइएको छ ।

पाटा नेपालले सोमबार राजधानीमा पत्रकार सम्मेलन गरेर उक्त कार्यक्रममा ७०० को संख्यामा स्वदेशी तथा विदेशी सहभागि हुने जानकारी दिइएको छ । निजी क्षेत्रको समर्थन, पर्यटन बोर्डको सहकार्यमा पाटाले आयोजना गरेको उक्त कार्यक्रममा करिब ५ करोड रुपैयाँ खर्च अनुमान गरिएको पाटा नेपालका प्रमुख कार्यकारी अधिकृत सुरेश बुडालले बताए । यस्तो खर्चको लागि एक करोड रुपैयाँ नेपाल पर्यटन बोर्डले सहयोग गरेको छ भने बाँकी निजी क्षेत्रले समर्थनबाट हुने भएको छ । नेपालको पर्यटन प्रवर्द्धनका लागि अन्तर्राष्ट्रिय मिडियादेखि भ्लगरसम्मलाई निमन्त्रणा गरिएको बुडालले बताए ।