भारत – बलीवूड अभिनेता सलमान खानले आफू ब्रेन एन्युरिजम् नामक नसासम्बन्धी रोगबाट जुझिरहेको बताएका छन्। ‘द ग्रेट इन्डिअन कपिल शो’ मा आफ्नो स्वास्थ्य अवस्थाबारे कुरा गर्दै उनले चलचित्र सिकन्दरको छायाङ्कनका क्रममा आफ्नो करङ्गमा चोट लागेको बताए।

सो क्रममा उनले ब्रेन एन्युरिजम् हुँदाहुँदै आफूले काम गरिरहेको बताउँदै अगाडि भनेः “हिँड्न गाह्रो हुन्छ, तथापि मैले नृत्य गर्ने गरेको छु। मेरो जिन्दगीमा यही सब चलिरहेको छ।” अभिनेता खानले आफ्नो समस्या सार्वजनिक गरेपछि भारतमा ब्रेन एन्युरिजम् बारे मानिसहरूले इन्टरनेटमा जानकारी खोज्न थालेका छन्। खासमा ब्रेन एन्युरिजम् के हो र यो कति खतरनाक हुन्छ त?नसा (रक्तनली) फुल्ने समस्यालाई एन्युरिजम् भनिन्छ। नसा कमजोर हुने कारणले फुल्ने समस्या हुन्छ, खास गरी नसा दुई भागमा बाँडिने ठाउँमा त्यो समस्या उत्पन्न हुन्छ।