प्राधिकरणका अनुसार १११ मेगावाट क्षमताको रसुवागढी जलविद्युत् आयोजनामा बाँधको एउटा गेट बाढीले बगाउनुका साथै सोही परियोजनाको पुलमा पनि क्षति पुगेको छ । पुल चर्केका कारण आवतजावत समेत बन्द भएको छ । आयोजनाको गेग्रान थुप्रिए पनि पावरहाउसमा भने क्षति नभएको शाक्यको भनाई छ ।  त्यस्तै, साठ मेगावाट क्षमताको त्रिशूली -३ ए आयोजनाको भवनमा बाढी पसेको छ भने त्रिशूली -३ बी सबस्टेसनलाई हिलोले छोपेकोले विद्युत उत्पादन बन्द भएको छ ।चिलिमे जलविद्युत आयोजनाको पावरहाउसमा पानी छिरे पनि क्षति भने नपुगेको प्राधिकरणको भनाई छ । त्रिशूली किनारमा रहेको प्रसारण लाइनको एउटा बाइपास टावर बाढीले बगाएको छ ।