लस एन्जलस – उच्च शिक्षाका लागि अमेरिका आएका युवाहरुद्वारा आयोजना गरिंदै आईएको तेस्रो नेपालीज अमेरिकन कन्भेन्सन, यही आउदो जून २९ देखि जुलाई १ सम्म अमेरिकाको राजाधानी वाशिंटन डी सी मा हुदैछ । पहिलो संस्करण २०१६ मा लस एन्जलसमा सम्पन्न भएको नेपलीज अमेरिकन कन्भेन्सन दोस्रोपटक भने टेक्सासको डल्लास शहरमा सम्पन्न भएको थियो ।

६०० जना त खेलाडी मात्र सहभागी रहने तेस्रो कन्भेन्सनमा बिविध मनोरंजनात्मक कार्यक्रम सहित बिबिध फोरमहरु संचालन हुने आयोजक संस्था एफ १ ग्रुप तथा कन्भेन्सनका संयोजक बास बिस्सुले जनाएका छन ।

१२ फुटबल टिम, ८ बास्केटबल टिम, ६ भलिबल टिम, ४ क्रिकेट टिम रहने यसपालीको सम्मेलनमा सांस्कृतिक तथा परम्परा झल्कने कार्यक्रम रहनेछन । नेपालको प्रख्यात सांगितिक समुह कन्दराले पहिलोपल्ट अमेरिकामा आफ्नो भब्य कन्सर्ट गर्दैछ । त्यसैगरी अमेरिकामै हुर्केका दोस्रो पुस्ताका युवाहरुद्दारा हिप-अप सांझको आयोजना गरिनेछ । 

एनएसीले आयोजना गर्ने कार्यक्रमहरु मध्य फुटबल खेल अत्यधिक चासोको खेल रहदैं आएको छ । सम्मेलनमा सहभागी हुनका लागि फुटबल खेल दर्ता २ महिना अघि नै बन्द भैसकेको छ । १२ टिम सम्मिलित यस प्रतियोगितामा नेपालका राष्ट्रिय खेलाडीहरु फुटबलको स्तर उन्नतीमा साथ दिने हेतुले दिलोज्यानका साथ प्रतियोगितामा सहभागी हुनेछन । 

एनएसीको लागि नेपाली खेलकुदका ब्रान्ड एम्बेसडर रहेका राष्ट्रिय फुटबल टीमका कप्तान विराज महर्जन, भरत खवास र नवयुग श्रेष्ठ अमेरिका आईपुगेका छन । नेपाली फुटबललाई अमेरिकामा रहेको एनएसी र फुटबलप्रेमीहरुले के कस्तो सहयोग गर्न सक्नेछ भन्नेबारे पनि सल्लाह गर्नेछन ।

नेपाली फुटबलका कप्तान सम्मिलित अमेरिका आईपुगेको यो टोलीलै १ महिनाको लागि तालिम दिने र अब सेप्टेम्बरमा हुन लागेको १२औं साफ गोल्ड कपको तयारी गर्ने प्रोजेक्ट बिराज महर्जन, भरत खवास र नवयुग श्रेष्ठले एनएसीको तर्फ बाट नेपाल फुटबल संघ एन्फालाई प्रोपोजल पठाईसकिएको संयोजक बिस्सुले जनाएका छन ।