एनआरएन अमेरिकाको आसन्न निर्वाचनको माहौल तातिरहेको बेला बहुप्रतिक्षित घोषणालाई निमिट्यान्न पार्दै बर्तमान कार्यसमितिका अध्यक्ष डा. केशब पौडेलले आफु पून: अध्यक्ष पदमा निर्वाचन लड्ने घोषणा गर्नुभएको छ ।  आफ्नो टीमले शुरु गरेका कार्यहरुलाई फत्ते गर्न आफ्नो उम्मेद्वारी दोहोरिएको डा. पौडेलले बक्तब्यमा जनाउनुभएको छ ।

बिहिबार सामाजिक संजाल मार्फत डा. पौडेलले अध्यक्षमा आफ्नो उम्मेद्वारी घोषणा गर्नुभएको हो ।

एनआरएन अमेरीकालाई संसारकै शक्तिशाली एनआरएन बनाउने उद्घोष सहित डा. पौडेलले दोश्रो कार्यकालका लागी उम्मेद्वारी घोषणा गर्नुभएको हो ।

आफ्नो कार्यकालमा भएका कार्यहरु लगायत भावी योजनाहरु सहित लिखित मन्तव्य मार्फत उम्मेद्वारी घोषणा गरेका डा. पौडेलको वक्तव्यको पुर्ण भिडियो :

https://www.facebook.com/keshab.paudel7/videos/10155136149147360/

डा. पौडेलको बक्तब्यको पूर्ण पाठ :

बिगत बर्षको निर्बाचन देखिनै पून: निर्वाचनमा आफुलाई संलग्न गराउने भन्दा पनि सशक्त रुपमा शुरुवात भएको कार्यहरुको सम्पन्नता तपाईंं हामीले चाहेको सफलता हो । अधुरो बाटो कसलाई हिंड्न मन हुन्छ र ? गन्तब्य नपहिल्याई बिचैमा छोडिएको यात्रा जसरी २०१० सालदेखी बिधिवत रुपमा अमेरिकी नेपाली समाजको ग्रास रुटसम्म स्थापित नेपाल सरकारबाट मान्यता प्राप्त यो सम्मनित संस्थाको माया, मान र मर्यादालाई उंचो राखन फेरी एक हुनु तपाईं हाम्रो कर्तब्य हो । सपना बोकेर प्रवासिएको सपने मनले बिदेशमा बस्ने नेपालीहरुको साझा संगठन हो, गैर आबासीय नेपाली संघ । यहि साझा संस्था भएको नाताले संघका योजना र कार्यक्रम प्रभाबकारी बनाउनका लागि सम्पूर्ण गैर-आवासीय नेपालीहरु बिच एकता हुनुपर्ने आजको अर्को आवश्यकता हो ।
आदरणीय बुवा-आमा, दाजु-भाई तथा दिदि-बहिनीहरु,
एकता, प्रयास र कार्य सम्पन्नताका खातिर प्रवासी नेपाली मनहरुको चाहना र आह्वानलाई पहिलो प्राथमिकतामा राखी सबैको सहयोग र समर्थनमा मेरो टीमले “क्यालेणडर अफ अपरेसनमा’ राखिएका सम्पन्न हुन बांकी रहेका कार्यहरु सम्पन्न गर्न आफु आसन्न एनआरएन, अमेरिकाको निर्वाचनमा दोस्रो कार्यकालका लागि म अध्यक्ष पदमा पून: उम्मेद्वार रहेको स-बिनय जानकारी गराउन चाहन्छु । म गराउन होईन, गर्न मैदानमा आएको हुँ । रवाफ, धाक, ईलम र ईतिहास सबैका आ-आफ्नै होलान । तर जिन्दगीको सबैभन्दा ठुलो सम्पत्ती भनेको अनुभव हो ।

शुरुदेखी नै प्रजातान्त्रिक प्रकृयाबाट सम्पन्न भएको निर्वाचनलाई स्विकार नगरी बिभिन्न वाहानमा अदालतसम्म गई यस कार्यसमितिलाई गरिएको प्रहारहरुको बावजुद हाम्रो कार्यसमितिले अभुतपुर्ब सफलता हासिल गरेको कुरा घाम जत्तिकै छर्लङ्ग छ । एक कुनामा रहेको एनआरएन, अमेरिकालाई संसारकै शक्तिशाली एनआरएन बनाउन अमेरिकी नेपाली समाजको ग्रास रुटसम्म पुर्याउन मैले पनि केही गरें भन्ने अनुभुती छ । जांगर, मनोकांक्षा र बातावरण स्थापनाको लागि महाभुकम्पले थल्लिएको आफ्नै जन्मभुमी नेपालको पुर्निर्माणको लागि एक हुन भावनात्मक दुतको रुपमा काम गर्न तथा अमेरिकी मैनस्ट्रिममा नेपाली दाँयास्पोराको पहुंच पुर्याउने मुख्य मुद्दाका साथमा एनआरएन, अमेरिकाको आगामी निर्वाचनमा अध्यक्ष पदमा आफुलाई पून: समाहित गरेको घोषणा गर्दछु ।

यहाँंहरुको सहयोग, सद्भाव र सुझाबको अपेक्षा सहित,
धन्यवाद !
नमस्कार !