काठमाडौं –  नेकपा एमालेले पार्टी विभाजन गरेर (एकीकृत समाजवादी) गठनमा उभिएका नेताहरूलाई पार्टीबाट निष्कासन गरेको छ । आजको केन्द्रीय कमिटी बैठकले उनीहरूलाई  निष्कासन गर्ने र अभिलेखकबाट हटाउन निवार्चन आयोगलाई जानकारी गराउने निर्णय भएको प्रवक्ता प्रदीप ज्ञवालीले जानकारी दिए ।

एमालेबाट विभाजित भएर माधव कुमार नेपालको नेतृत्वमा नेकपा (एकीकृत समाजवादी) बुधबार मात्रै निर्वाचन आयोगमा दर्ता भएको छ । उक्त पार्टीमा एमालेका ५५ केन्द्रीय सदस्य उभिएका थिए ।